Skuadra e Chelseat ka shprehur interesim për mbrojtësin e krahut të djathtë, zviceranin Nico Elvedi ka njoftuar “BBC” të enjten.
Chelsea po synon transferimin e Elvedit në afatin kalimtar të janarit dhe tashmë ka nisur negociatat me Borussia Moenchengladbachun. Elvedi po shihet si përforcim emergjent te Chelsea pas lëndimit të kapitenit Reece James, i cili do të mungojë të paktën deri në muajin mars të vitit të ardhshëm.
Elvedi ka kontratë me ekipin gjerman deri në vitin 2027, ndërsa kartoni i tij vlerësohet mbi 20 milionë euro. Ai është pjesë e Gladbachut prej vitit 2015 kur iu bashkua nga Zuerichu dhe këtë edicion ka 1 gol të shënuar në 14 paraqitje në të gjitha garat.