Chelsea ka avancuar në 1/8 e finales së Kupës FA, pasi ka shkëlqyer të mërkurën mbrëma në udhëtim tek Aston Villa.
Ndeshja e parë e zhvilluar në “Stamford Bridge” më 26 janar ishte mbyllur baras, pa gola.
Është dashur të luhet dueli kthyes për t’u përcaktuar skuadra që kalon tutje. Dhe Chelsea fitoi 3:1.
Conor Gallagher në minutën e 11-të dhe Nicolas Jackson dhjetë minuta më vonë, shënuan për epërsinë 2:0 të londinezëve.
Në minutën e 54-t, mesfushori Enzo Fernandez, realizoi supergol nga gjuajtja e lirë për 3:0.
Golin e vetëm për Aston Villan e shënoi Moussa Diaby.
Chelsea në raundin e pestë të garës do të luajë kundër Leeds Unitedit.
Artikuj të ngjashëm