Mbrojtësi Milan Skriniar pritet që karrierën ta vazhdojë në Premier League. “Daily Mail” ka njoftuar të mërkurën se Chelsea tashmë ka kontaktuar Interin në lidhje me transferimin e Skriniarit.
Tek Interi janë të gatshëm ta shesin Skriniarin, i cili ka refuzuar rinovimin e kontratës për shkak se nuk është pajtuar me pagën e ofruar. 27-vjeçari ka kontratë me ekipin italian deri në vitin e ardhshëm dhe kartoni i tij vlerësohet mbi 40 milionë euro.
Sllovaku është pjesë e Interit prej vitit 2017 kur iu bashkua nga Sampdoria, kurse sezonin e fundit ka kontribuar edhe me katër gola në 48 paraqitje.
Artikuj të ngjashëm