Eduardo Camavinga ka arritur marrëveshje për vazhdimin e kontratës me Real Madridin edhe për pesë vjet të tjera, ka raportuar “Marca” të enjten.
20-vjeçari, i cili me klubin madrilen ka zhvilluar 99 ndeshje qëkur u transferua nga skuadra e Rennesit në vitin 2021, është mesfushor qendror.
Nën drejtimin e trajnerit italian Carlo Ancelotti, ai është shndërruar në mbrojtës të krahut të majtë.
Vetëm në edicionin e kaluar, francezi luajti 59 ndeshje në të gjitha garat, ndërsa i pati dy asistime.
20-vjeçar, Camavinga ka fituar nga një herë Ligën e Kampionëve, Superkupën e UEFA-s, Kupën e Botës për Klube, La Ligan, Kupën e Mbretit, Superkupën e Spanjës, Kupën e Francës me Rennesin dhe Ligën e Kombeve me Francën.
Artikuj të ngjashëm