Sulmuesi i Shqipërisë, Armando Broja do të largohet nga skuadra e Chelseat në këtë afat kalimtar. “TeamTalk” ka shkruar të hënën se Broja ka kërkuar largimin nga Chelsea, pasi ekipi londinez ditë më parë e transferoi sulmuesin Nicolas Jackson nga Villarreali.
Me transferimin e Jacksonit, Broja do të kishte hapësirë edhe më të limituar te Chelsea dhe për këtë arsye ka kërkuar ndërrimin e ambientit.
Mësohet se tashmë, interesim për Brojën kanë shfaqur katër skuadra nga Premier League, përfshirë West Ham Unitedin e Crystal Palacen. 21-vjeçari ka kontratë me Chelsean deri në vitin 2028, ndërsa kartoni i tij vlerësohet rreth 20 milionë euro.
Artikuj të ngjashëm