Armando Broja ka debutuar me barazim te skuadra e Fulhamit.
Broja u huazua te Fulhami nga skuadra e Chelseat në ditën e fundit të afatit kalimtar dimëror, dhe menjëherë të shtunën luajti nga minuta e 74-t.
Fulhami barazoi me rezultatin 2:2 me Burnleyn, ndërsa ndeshja i takoi xhiros së 23-të të Premier Leagues.
Portugezi Joao Palhinha shënoi në minutën e 17-të, kurse Rodrigo Muniz, katër minuta më vonë e dyfishoi epërsinë.
David Datro Fofana i shënoi të dy golat për Burnleyn, në minutën e 71-të dhe të 91-të.
Te Burnley në bankën rezervë ishte portieri i Kosovës, Arijanet Muriq.
Fulhami pas 23 ndeshjeve ka grumbulluar 26 pikë, ndërsa Burnley që po lufton për mbijetesë, ka 13 pikë.
Artikuj të ngjashëm