Gleison Bremer mund të bëhet pjesë e Premier Leagues në edicionin e ardhshëm, pasi interesim për shërbimet e tij ka shprehur skuadra e Tottenhamit.
Tottenhami në sezonin që përfundoi pranoi 63 gola, dhe po shikon mundësinë e përforcimit sa më shumë në fazën defensive.
Braziliani po pëlqehet shumë nga zyrtarët e klubit londinez.
Megjithatë, për ta transferuar Bremerin, duhet edhe mposhtja e konkurrencës së tri ekipeve tjera të Premier Leagues, ka shkruar mediumi spanjoll “Marca” të shtunën.
Bremer 26-vjeçar pati paraqitje të mira te Juventusi në edicionin e fundit.
Zhvilloi 43 ndeshje në të gjitha garat, ndërsa pati pesë gola të shënuar e një asistim.
