-
Nga:
Associated Press
- 7 qershor 2023 16:59
- Shpërndaje në:
Bota e futbollit është në pritje të vendimit të Lionel Messit. Ylli argjentinas, që sapo ka fituar Kupën e Botës në dhjetor, është në thelb një lojtar i lirë pasi i dha lamtumirën Paris Saint-Germainit. Megjithatë, pyetja më e madhe që tani ka pushtuar botën e futbollit është se ku do të shkojë Messi pas PSG-së. Gjërat janë ende në ajër, megjithatë, kohët e fundit janë ndezur thashetheme të furishme për destinacionin e ardhshëm të një prej futbollistëve më të mëdhenj në histori të futbollit.
Ekziston mundësia që Messi të zhvendoset në Arabinë Saudite, ku përpjekjet për të sjellë disa nga yjet më të profilizuara të futbollit u rritën kur fondi sovran i pasurisë së mbretërisë mori shumicën e aksioneve të pronësisë së katër prej klubeve kryesore të vendit.
Ata përfshijnë klubet Al-Nassr, skuadrën e Cristiano Ronaldos që nga janari; Al-Ittihad, skuadra e re e lojtarit më të mirë të vitit në botë, Karim Benzema; dhe Al-Hilal, skuadra e lidhur shumë me një lëvizje për 35-vjeçarin Messi. Messi, në fund të fundit, ka krijuar tashmë një marrëdhënie me Arabinë Saudite duke rënë dakord për një kontratë tregtare me vendin e pasur me naftë të Lindjes së Mesme vitin e kaluar për të promovuar turizmin atje.
Ekziston edhe tërheqja sentimentale e Barcelonës, ku babai i Messit - Jorge - ishte të hënën për të intensifikuar spekulimet për një rikthim të mundshëm të djalit të tij në klubin spanjoll. Messi “do të donte të kthehej” në Barcelonë, tha Jorge Messi, por duket një sfidë nëse klubi – në trazira ekonomike në vitet e fundit – do të përmbushë rregullat e rrepta të ndershme financiare të ligës spanjolle.
Po Messi të transferohet te Inter Miami, skuadra e MLS-së nga SHBA-ja, në bashkëpronësi të David Beckhamit, e cila herë pas here është lidhur me shtatë herë lojtarin më të mirë të vitit në botë dhe tani ka një trajner të përkohshëm nga Argjentina, Javier Morales. Do të ishte një nxitje e madhe për futbollin amerikan, i cili ka tërhequr superyje si Pele, Beckham dhe Thierry Henry gjatë viteve, por transferimi i Messit mund të kërkojë diçka krijuese si nga liga ashtu edhe nga ekipi i Miami. Postimi më i fundit në llogarinë e Messit në Instagram ishte më 28 maj dhe e tregon atë duke luajtur për PSG-në.
Ai nuk do të jetë pjesë e ekipit francez edicionin e ardhshëm, kjo është e sigurt. Ai luajti ndeshjen e tij të fundit për ekipin francez të shtunën e shkuar. Ai ishte pjesë e Parisit prej verës së vitit 2021 kur iu bashkua si lojtar i lirë, pasi i skadoi kontrata me Barcelonën. Messi me fanellën e Parisit fitoi dy tituj kampioni të Francës, por dështoi ti ndihmonte drejt suksesit në Ligën e Kampionëve.
Edicionin e fundit, Messi pati 21 gola e 20 asistime në 41 paraqitje në të gjitha garat. Para se t’i bashkohej Parisit, Messi kishte fituar gjithçka që mund të fitohet në nivel klubesh me Barcelonën, ekip të cilit iu bashkua në moshën 13-vjeçare.
Duke pasur parasysh se Messit i skadon kontrata më 30 qershorin me Parisin, të gjithë po e presin muajin e ardhshëm për të parë se ku do të përfundojë messi. Al-Hilal, Barcelona dhe Inter Miami janë opsionet e mundshme të Messit, ndonëse ekipi nga Arabia Saudite po vlerësohet favorit për shkak të ofertës së majme financiare. Messit i është ofruar pagë totale mbi 1 miliard euro për të firmosur për dy vjet me Al-Hilalin.
