Leonardo Bonucci është në sezonin e 12-të me skuadrën e Juventusit dhe qendërmbrojtësi ka qenë një prej lojtarëve kryesorë në skuadër përgjatë këtyre viteve.
Megjithatë, 35-vjeçari, sipas mediave italiane, ka kërkuar largimin pasi është i pakënaqur. Ai dëshiron që të largohet nga klubi që në muajin janar.
Bonucci pritet që ta vazhdojë kontratën te Tottenhami në Premier League, ku do të punonte sërish me ish-trajnerin e “bianconerëve”, Antonio Conten.
Në total, Bonucci ka zhvilluar 486 ndeshje me “bardhezinjtë”, ndërsa ka 118 paraqitje për Italinë.
Kontrata e tij skadon në vitin 2024.
Artikuj të ngjashëm