Boksieri amerikan Gervonta Davis është bërë kampion bote në tri kategori të ndryshme.
Davis të shtunën mbrëma në Georgia mposhti me nokaut teknik në raundin e 11-të amerikanin Mario Barrios, duke e fituar titullin e botës në versionin }BA në peshën super të lehtë.
Davis e rrëzoi Barriosin dy herë në raundin e 8-të dhe një herë në raundin e 11-të.
Për 26-vjeçarin është fitorja e 25-të në boksin profesionist nga po aq meçe, ndërsa 24 i ka me nokaut.
Davis më herët kishte fituar titull bote në kategorinë super-pendël dhe po ashtu në atë të lehtë.
