Kampionia e Kosovës në hendboll, Besa Famgas është kualifikuar edhe në finalen e Kupës së Kosovës.
Të premten pasdite, hendbollistët e Besës triumfuan ndaj Trepçës (34:21) në duelin e luajtur në Istogut.
Skuadra pejane gjatë tërë takimit ishte dominonte pasi pjesën e parë e mbylli me tetë gola epërsi (18:10).
Egzon Gjuka me dhjetë gola e Arbios Mushkolaj me tetë sosh të shënuar, ishin më efikasit te Besa. Ndërsa, te Trepça u veçuan Fitim Klinaku (9) e Sali Maxhera (4).
Në finalen e meshkujve që do të luhet të shtunën, Besa Famgas do të përballet me skuadrën e Prishtinës.
