Futbollisti i Kosovës, Valon Berisha, ka asistuar në golin e shënuar të Melbourne Cityt në gjysmëfinalen e parë të A-Leagues australiane.
Melbourne City i Berishës të premten ka barazuar në udhëtim te Sydney me rezultatin 1:1.
Berisha në minutën e 18-të harkoi nga goditja e dënimit, ndërsa sulmuesi Mathew Leckie, shënoi me kokë nga afërsia.
Berisha harkoi edhe nga këndi në minutën e 30-të, kur qendërmbrojtësi Curtis Good e qëlloi transversalen.
Finalisti nga kjo përballje do të vendoset në “AAMI Park” javën tjetër.
Mesfushori 30-vjeçar i Kosovës e kompletoi këtë ballafaqim.
Në këtë edicion të elitës së futbollit australian, Berisha ka një gol të shënuar e gjashtë asistime në 25 ndeshje të luajtura.
Artikuj të ngjashëm