Bayern Munichu ka siguruar titullin kampion në xhiron e 31-të të Bundesligas në derbin ndaj Borussia Dortmundit duke e mposhtur me rezultatin 3:1.
Tri ndeshje pa përfunduar kampionati, “bavarezët” edhe matematikisht kanë siguruar titullin e 10-të radhazi dhe të 32-tin në histori të klubit.
Në minutën e 15-të Serge Gnabry shënoi gol të bukur për 1:0.
Robert Lewandowski dyfishoi epërsinë në minutën e 34-të. Me rezultatin 2:0 u mbyll pjesa e parë.
Dortmundi ngushtoi rezultatin në minutën e 52-të me Emre Can nga pika e bardhë.
Në minutën e 83-të Jamal Musiala vulosi fitoren prej 3:1.
Bayern Munichu pas 31 ndeshjeve është lider me 75 pikë. Dortmundi mban pozitën e dytë me 63 pikë.
Artikuj të ngjashëm