Bayern Munichu duhet ta lërë prapa eliminimin nga Liga e Kampionëve nga Manchester City dhe të përqendrohet vetëm në Bundesligë.
Bavarezët, të shtunën, nga ora 15:30, do të luajnë në udhëtim te Mainzi në kuadër të xhiros së 29-të të Bundesligës.
Bayerni është i pari në tabelë me 59 pikë, dy pikë më shumë se Dortmundi, ndërsa Mainzi është në pozitën e tetë me 42 pikë.
Bayern – Mainz është përballje e dy skuadrave më në formë në pjesën e dytë të sezonit.
Mainzi ka fituar plot 22 pikë, ndërsa Bayerni ka marrë 23 pikë në pjesën e dytë të elitës së futbollit gjerman.
Edhe
Dortmund – Bayern, derbi i madh gjerman
Thomas Tuchel do të jetë përballë ish-skuadrës. Qëkur u largua nga Mainzi, trajneri aktual i Bayernit është ballafaquar katër herë me këtë skuadër sa ishte në krye të Dortmundit. Nuk ka humbur asnjëherë. I ka fituar tri ballafaqime, ndërsa një tjetër është mbyllur baras.
Mainzin, Tucheli e ka udhëhequr prej vitit 2009 deri në vitin 2014. Kjo skuadër është në formë të mirë së fundmi, pasi nuk ka pësuar humbje në nëntë ndeshjet e fundit. Ka pesë fitore e katër barazime.
Dortmundi të shtunën po ashtu do të ketë punë pak më të vështirë. Takohet me Eintracht Frankfurtin nga ora 18:30.
Frankfurti është në pozitën e shtatë me 42 pikë, sa ka edhe Mainzi, ndërsa që të dyja synojnë të zënë një vend për garat evropiane edicionin tjetër.
Frankfurti në radhët e veta e ka golashënuesin më të mirë të Bundesligës për vitin 2023. Randal Kolo Muani ka shënuar tetë gola gjithsej.
Edhe
Bayern Munichu kërkon tjetër fitore në Bundesligë
Por në tërësi Dortmundi ka qenë skuadër më e mirë në 11-të ndeshjet e fundit në shtëpi, pasi i ka fituar 10-të prej tyre. E ka humbur vetëm një ballafaqim.
“Verdhezinjtë” kanë tetë fitore rresht në Bundesligë në shtëpi, por asnjëherë nuk i kanë realizuar nëntë fitore të njëpasnjëshme në Bundesligë, në “Signal Iduna Park”.
