Bayern Munichu ka dështuar që të fitojë e ta rritë diferencën e pikëve në krye të tabelës, pasi u mposht 3:2 të shtunën në udhëtim te Borussia Moenchengladbachu.
Kjo ndeshje i takoi xhiros së 21-të të Bundesligës gjermane.
Kampioni në fuqi që mbeti me një futbollist më pak në fushë që nga minuta e tetë pas kartonit të kuq të Dayot Upamecanos, dështuan ta fitojnë ndeshjen e gjashtë rresht përballë Gladbachut.
Lars Stindl shënoi për 1:0 në minutën e 13-të, ndërsa Eric Maxim Choupo-Moting barazoi shifrat në 1:1, në minutën e 35-të.
Jonas Hofmann shënoi për 2:1 në minutën e 55-të, kurse për 3:1 u përkujdes sulmuesi Marcus Thuram.
17-vjeçari Mathys Tel vulosi rezultatin final të takimit 3:2, në minutën e tretë të kohës shtesë.
Edhe
Bayern Munichu regjistron tjetër fitore bindëse
Arijon Ibrahimoviqi ishte në bankën rezervë te Bayerni.
Bayerni në 21 ndeshje ka 43 pikë, kurse Gladbachu, 29-të në total.
