Sigal Prishtina po vazhdon me paraqitje të mira në Ligën Ballkanike në basketboll. Të enjten mbrëma, në Pallatin e Rinisë dhe Sporteve, Prishtina e mposhti Levskin e Sofjes me rezultatin 66:63. Kështu Prishtina e vazhdon garën e fortë për vend në “Final Four” të kësaj lige regjionale të basketbollit.
Prishtina, te fitorja arriti në pjesën e dytë. Lejson Zeqiri shënoi 19 pikë për Prishtinën, ndërsa Jan Palokaj shtoi 14 pikë, pesë kërcime e katër asistime.
Më 5 prill, Prishtina luan në udhëtim ndaj Hapoel Nufar Galil Elion, skuadrës nga Izraeli. Ndërkohë më 7 prill luan me Levskin në Sofje. Këto dy ndeshje do të vendosin për vend në turneun final.
