Fitojnë Anderlechti e Fiorentina, Baseli barazon me Nicein
Të enjten mbrëma u zhvilluan edhe ndeshjet e para çerekfinale të Ligës së Konferencës.
Dueli më interesant u zhvillua në Zvicër, ndërmjet Baselit dhe Niceit, që u mbyll baras, 2:2.
Zeki Amdouni shënoi dy gola për zviceranët, kurse Terem Moffi, realizoi dy herë për francezët.
Amdouni shënoi i pari në minutën e 26-të, kurse Moffi realizoi në minutën e 38-të dhe në minutën e parë të shtesës në pjesën e parë për mysafirët.
Edhe
Shaqiri e Ajeti e nisin edicionin e ri me fitore
Amdouni vendosi rezultatin final në minutën e 71-të.
Kapiteni Taulant Xhaka e kompletoi ndeshjen për vendësit, kurse Zeqiri u zëvendësua në minutën e 67-të.
Genti dhe West Hami barazuan 1:1.
Danny Ings në minutën e tretë shtesë të pjesës së parë shënoi për epërsinë e anglezëve, kurse Hugo Cuypers barazoi për vendësit në minutën e 57-të.
Anderlechti fitoi 2:0 ndaj AZ Alkmaarit, me golat e Michael Murillos në minutën e 22-të dhe Majeed Ashimerus në minutën e 70-të.
Fiorentina është thuajse në gjysmëfinale të garës, pas fitores së madhe në udhëtim te Lech Poznani, 4:1.
Arthur Cabral në minutën e katërt shënoi për 0:1.
Për 1:1 realizoi Kristoffer Velde në minutën e 20-të.
Edhe
Crystal Palace me fitore bindëse ndaj Fiorentinas
Nicolas Gonzalez, Giacomo Bonaventura dhe Jonathan Ikone, u përkujdesën për fitoren e thellë, 4:1, me golat e minutës së 41-të, 58-të dhe 63-të.
Ndeshjet kthyese luhen pas një jave.
