Enis Bardhi ka realizuar golin e katërt në elitën e futbollit të Turqisë, por skuadra kampione në fuqi e Turqisë, Trabzonspori, ka pësuar tjetër disfatë.
Trabzonspori të shtunën gjatë ditës u mposht në udhëtim te Hatayaspori me rezultatin 2:1, ani pse ishte në epërsi të një goli fillimisht.
Ndeshja i takoi xhiros së 21-të të Superligës së Turqisë.
Bardhi në minutën e nëntë shfrytëzoi më së miri asistimin e grekut Anastasios Bakasetas, dhe shënoi me kokë.
Bardhi luajti deri në minutën e 56-të.
Trabzonspori në 20 ndeshje të zhvilluara ka 35 pikë.
