Barcelona ka shprehur interesim për shërbimet e sulmuesit të krahut, Jeremie Boga, që është pjesë e ekipit nga Serie A, Sassuolo.
Lajmi është bërë i ditur të enjten nga e përditshmja spanjolle “AS”, transmeton Koha Ditore.
Boga pëlqehet nga drejtuesit e Barcelonës, pasi po tregon paraqitje të mira. 22-vjeçari ka shënuar katër gola dhe ka bërë dy asistime në 13 ndeshje kampionale.
Boga ka kontratë me Sassuolon deri në vitin 2022 dhe Barcelona është e gatshme të paguajë 20 milionë euro për transferimin e tij gjatë afatit kalimtar të janarit.
Boga te Sassuolo është transferuar vitin e shkuar nga ekipi i dytë i Chelseat për tre milionë euro.
Artikuj të ngjashëm