Pasi nuk arriti ta transferojë në fillim të këtij viti, Barcelona është më e vendosur se kurrë për t’i siguruar shërbimet e mesfushori Sofyane Amrabat këtë verë. “Mundo Deporitvo” shkruan se është trajneri Xavi Hernandez që po kërkon me çdo kusht ta ketë marokenin në ekip për edicionin e ardhshëm.
Thuhet se Barcelona së shpejti do ta kontaktojë Fiorentinën në lidhje me transferimin e mesfushorit defensiv, i cili ka kohë që ka kërkuar largimin nga ekipi italian.
Për ta lënë të lirë Amrabatin këtë verë, Fiorentina po kërkon të paktën 40 milionë euro.
26-vjeçari këtë edicion ka 44 ndeshje të luajtura për Fiorentinën në të gjitha garat dhe ka kontratë deri në vitin 2025.
Artikuj të ngjashëm