Skuadra e Barcelonës është në negociata të avancuara me Napolin për shërbimet e qendërmbrojtësit Kalidou Koulibaly, ka raportuar të enjten “AS”.
Barça po insiston në transferimin e senegalezit në afatin kalimtar të verës, të cilin trajneri Xavi Hernandez po e sheh si përforcim të duhur për mbrojtjen.
Koulibaly pritet të largohet nga Napoli pas sezonit aktual, pasi ka refuzuar rinovimin e kontratës që i skadon në vitin e ardhshëm. Për ta lënë të lirë 30-vjeçarin, Napoli po kërkon të paktën 60 milionë euro.
Koulibaly është pjesë e Napolit prej vitit 2014, kurse këtë sezon në të gjitha garat ka kontribuar me tre gola e dy asistime.
Artikuj të ngjashëm