Drejtuesit e Barcelonës kanë kthyer interesimin për sulmuesin portugez Joao Felix. “Mundo Deportivo” ka njoftuar të premten se Barça po përgatit ofertën për ta bindur Atletico Madridin në lirimin e Felixit në fund të këtij sezoni.
Felix 22-vjeçar ka kontratë me Atleticon deri në vitin 2026, kurse kartoni i tij vlerësohet rreth 70 milionë euro. Ai këtë edicion ka shënuar dhjetë gola dhe ka asistuar gjashtë herë në 35 paraqitje për Atleticon në të gjitha garat. Felixi është pjesë e Atleticos prej vitit 2019 kur iu bashkua nga skuadra e Benficas për 125 milionë euro dëmshpërblim.
