Barcelona do të përballet me ekipin nga Bundesliga, Eintracht Franikfurtin në çerekfinale të Ligës së Evropës pas tërheqjes së shortit të premten.
Dueli i parë mes këtyre dy ekipeve do të luhet në Gjermani, përpara se ai i kthimit të zhvillohet në “Camp Nou”. Duel tjetër interesant në këtë fazë, do të jetë edhe ai ndërmjet Leipzigut me Atalantan dhe West Ham Unitedit me Lyonin.
Çifti i fundit çerekfinal është Braga – Rangers. Në këtë short, u përcaktuan edhe gjysmëfinalet. Ndeshjet e para çerekfinale do të zhvillohen më datën 7 prill, ndërsa ato të kthimit pas një jave. Fituesi i duelit mes Frankfurtit e Barcelonës, do të përballet me fituesin e duelit tjetër West Ham – Lyon.
Ndërsa, në gjysmëfinalen tjetër, do të takohen fituesit e dy çerekfinaleve tjera: Leipzig – Atalanta dhe Braga – Rangers. Finalja e këtij edicioni në Ligën e Evropës, do të zhvillohet më 18 maj në stadiumin “Ramon Sanchez Pizjuan” në Sevilla.
