Një prej ndeshjeve më të mëdha në të gjitha garat evropiane të futbollit do të luhet të enjten prej orës 21:00, kur Manchester Unitedi e pret Barcelonën në ndeshjen kthyese të 1/16 të finales së Ligës së Evropës.
Dy gjigantët e futbollit barazuan 2:2 në ndeshjen e parë që u zhvillua në “Camp Nou” javën e kaluar.
Barcelona asnjëherë nuk e ka fituar garën e dytë më të rëndësishme të Evropës, që dikur njihej si “UEFA Cup”.
Edhe në këtë edicion pritet të ketë vështirësi, duke nisur që nga ndeshja e së enjtes mbrëma.
Barcelona u godit së fundmi me lëndimet e Pedrit dhe Ousmane Dembeles, e po ashtu edhe me suspendimin e Gavit.
Edhe
Dhjetë lojtarë të Barcelonës në gjysmëfinale
Unitedi kthehet në “Old Trafford”, stadiumin ku e ka humbur vetëm një nga 19 ndeshjet e fundit në të gjitha garat.
Ndërkohë, në radhët e veta e ka sulmuesin Marcus Rashford, i cili ka realizuar 16 gola në 17 ndeshje qëkur u kthye nga Kupa e Botës.
Pas barazimit në ndeshjen e parë me Nantesin, edhe Juventusit i duhet fitorja në Francë për të kaluar tutje.
Ajaxi barazoi pa gola me Union Berlinin dhe ndeshja kthyese tani zhvillohet në Gjermani.
Edhe
Atletico e Barcelona publikojnë formacionet
Prej skuadrave të mbetura aktualisht në Ligën e Evropës, vetëm Sevilla ka marrë rezultat më të favorshëm.
Ndaj PSV Eindhovenit fitoi në Spanjë me rezultatin 3:0.
