Mbrojtësi i Shqipërisë, Ivan Balliu, ka luajtur tërë ndeshjen në fitoren 2:0 që skuadra e tij Rayo Vallecano e arriti të martën në udhëtim ndaj Getafes.
Ndeshja i takoi javës së 19-të të La Ligas spanjolle. Sergio Camello (45’ dhe 47’) realizoi dy gola për Rayon.
Getafe e mbylli ndeshjen me tre lojtarë më pak pas përjashtimit me kartona të kuq të Juanmi Latasas (40’), Mason Greenwoodit (50’) dhe Damian Suarezit (70’).
Vallecano pas 19 ndeshjeve i ka 23 pikë dhe zë vendin e 11-të. Getafe zë vendin e tetë me 26 pikë.
Artikuj të ngjashëm