Arbëria dhe Drenica kanë marrë nga një pikë.
Të dielën në stadiumin me bari sintetik në Gjilan, Arbëria vendëse dhe Drenica barazuan me rezultatin 1:1 në kuadër të xhiros së 34-rt në Superligën e Kosovës në futboll.
Ky barazim më shumë i ka konvenuar skuadrës së Drenicës që tashmë pozicionohet në vendin e gjashtë me 42 pikë.
Arbëria mbetet në pozitën e parafundit në tabelë me 37 pikë pas 34 ndeshjeve të zhvilluara.
Për skuadrën e drejtuar nga Arbnor Morina shënoi sulmuesi Marclei Dos Santos në minutën e 23-të.
Ndërkohë, shpëtimtar i Drenicës edhe në këtë duel ishte sulmuesi i huazuar nga Prishtina, Kreshnik Uka. Uka shënoi nga penalltia në minutën e 58-të.
Në xhiron e ardhshme, Arbëria do të luajë sërish si vendëse kundër Llapit, ndërsa Drenica e pret në shtëpi kampionen në fuqi, Dritën.
