Qendra Arbër Berisha edhe sezonin e ri do të jetë pjesë e KB Sigal Prishtinës.
Berisha e ka vazhduar bashkëpunimin me Prishtinën edhe për një vit, ka njoftuar ekipi kryeqytetas të shtunën.
Berisha iu bashkua vitin e shkuar Prishtinës, por u lëndua në fillim të sezonit dhe nuk arriti ta ndihmojë klubin.
Tani, Berisha është rehabilituar dhe i gatshëm për sezonin e ri, që nis muajin tjetër.
"Arbëri vazhdon kontratën me klubin tonë edhe për sezonin e ardhshëm. Arbëri i rikuperuar është i gatshëm për sezonin e ri 2022/23", thuhet në njoftimin e Prishtinës.
