Manuel Akanji mund të largohet nga Borussia Dortmundi. Sipas së përditshmes “Bild”, mbrojtësi ka refuzuar dy ofertat e klubit gjerman për të mbetur në skuadër.
26-vjeçari nuk është pajtuar me kushtet e ofruara duke kërkuar rritje page për të mbetur “Signal Iduna Park”.
Kontrata aktuale zviceranit i skadon në qershor të këtij viti.
Akanji është pjesë e Dortmundit që nga viti 2018, kur u transferua nga Baseli.
