Mbrojtësi i krahut të djathtë, Bashkim Ajdini, e ka realizuar golin e parë në Bundesliga 2 të Gjermanisë në edicionin e ri.
Ajdini realizoi të shtunën në fitoren që skuadra e tij Osnabruck e arriti kundër Sandhausenit, 2:1.
27-vjeçari Ajdini e shënoi golin e dytë të ekipit të vet në fundin e pjesës së parë, transmeton KOHA.
Ajdini në këtë sezon ka zhvilluar gjashtë duele gjithsej.
Skuadra e tij Osnabruck synim e ka ngjitjen në elitën e futbollit gjerman. Aktualisht ka 10 pikë pas gjashtë ndeshjeve, 6 më pak se lideri, Hamburgu.
