Edis Ahmeti vazhdon të jetë rekordmen i Kosovës në disiplinën më atraktive të atletikës - në vrapim 100 metra. Por rekordi i Ahmetit nuk është më 10.97 sekonda, kohë që e arriti para një viti për të thyer rekordin 30-vjeçar të Kosovës në 100 metra vrapim, shkruan sot Koha Ditore.
Të enjten, atleti i klubit Trepça ka vendosur rekordin e ri të Kosovës, pasi vrapoi për 10.78 sekonda. Si para një viti, Ahmeti rekordin e vendosi në Elbasan, në kuadër të kampionatit kombëtar të Shqipërisë për të rritur. Të enjten e të premten është mbajtur kampionati i 79-të i Shqipërisë në atletikë për të rritur, ndërsa në të morën pjesë edhe atletë të Kosovës, por që garuan jashtë konkurrencës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoJashtë konkurrencës ishin për kampionatin e Shqipërisë, por rezultatet e atletëve kosovarë regjistrohen dhe janë të vlefshme. I vlefshëm është edhe rekordi i Ahmetit, mitrovicasit që vlerësohet se shpejtësinë e ka të lindur. Ndonëse jashtë konkurrencës për titull, Ahmeti është shkëputur herët prej vrapuesve të tjerë dhe më nuk ka shikuar prapa. Ka arritur në finish disa metra larg përcjellësit të parë.
(Artikullin e plotë mund ta lexoni në numrin e sotëm të Kohës Ditore).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.