Luka Donçiq ka konfirmuar që është një prej basketbollistëve më të mirë në botë. Ai të mërkurën mbrëma ka realizuar plot 47 pikë për Slloveninë në fitoren 88:82 ndaj Francës. Ndeshja në Koeln ishte e fundit për këto dy përfaqësuese në fazën grupore të Eurobasketit.
Në ndeshjen e jashtëzakonshme, ylli i NBA-së, Donçiq, shtoi edhe shtatë kërcime e pesë asistime.
Rudy Gobert ishte më i miri te Franca me 19 pikë e tetë kërcime.
Sllovenia e ka fituar grupin B me katër fitore e një humbje. Franca e ka mbyllur garën në grup me tri fitore e dy humbje dhe avancon në fazën nokaut po ashtu.
