Në një atmosferë të bukur sportive dhe në sallën e mbushur përplot, Vëllaznimi e Trepça kanë zhvilluar të shtunën mbrëma derbin e xhiros së 11-të të Superligës së Kosovës në basketboll.
Në fund festuan mitrovicasit, që kështu i dhanë fund serisë prej gjashtë fitoreve të skuadrës gjakovare.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë palestrën “Shani Nushi” në Gjakovë, Trepça fitoi me rezultat 89:82.
Mitrovicasit e nisën ndeshjen më mirë dhe çerekun e parë e fituan 28:21. Në çerekun e dytë Trepça vetëm e rriti avantazhin. Edhe ky çerek përfundoi 28:21.
Cilësia e “xehetarëve” erdhi në shprehje edhe në çerekun e tretë, që përfundoi 20:16.
Në minutat e fundit lojtarët e Vëllaznimit u munduan të bëjnë kthimin e madh. U afruan në rezultat, por pa bërë përmbysje.
Jordy Tshimanga e Drilon Hajrizi ishin më të mirët te Trepça. Tshimanga i kishte 20 pikë e nëntë kërcime, ndërsa Hajrizi kontribuoi në fitore me 15 pikë, dhjetë kërcime e katër asistime. Darnell Edge i kishte 15 pikë, gjashtë asistime e pesë kërcime. Kevin Bracy-Davis i kishte 14 pikë e gjashtë kërcime.
Samuel Sessoms ishte më i miri te Vëllaznimi me 20 pikë, nëntë asistime e pesë kërcime. Jalen Ray i kishte 13 pikë e gjashtë asistime. Ardit Pepaj ndeshjen e përfundoi me 15 pikë e katër kërcime. 15 pikë i kishte edhe Burim Zekiqi.
Trepça është e para në tabelë me 20 pikë. Vëllaznimi i ka 17 pikë, sa edhe Golden Eagle Ylli.