Ballkani e ka fituar kryendeshjen e xhiros së tetë të Superligës së Kosovës në futboll dhe ka marrë kryesimin në tabelë. Të shtunën në stadiumin e qytetit në Suharekë, Ballkani mposhti Llapin 2:1.
Nazmi Gripshi shënoi supergol për vendësit në minutën e 36-të.
Ai kaloi një kundërshtar dhe plasoi topin në këndin ku portieri Ilir Avdyli e pati të pamundur ta presë.
Almir Kryeziu shënoi gol të bukur po ashtu, dy minuta pasi nisi pjesa e dytë.
Për Llapin realizoi talenti premtues, Elvir Gashijani. Gashjani në minutën e 72-të të ndeshjes shfrytëzoi gabimin e rëndë të portierit Enea Koliçi dhe realizoi për rezultatin 2:1.
Ndeshja ishte e tensionuar deri në fund, ndërsa raste patën të dyja ekipet. Por pikët e plota i mori Ballkani, që tani është lider me 19 pikë në shtatë ndeshje, tri më shumë se Llapi që ka tetë ndeshje të luajtura.
Në xhiron e nëntë të Superligës, Ballkani luan në udhëtim te Prishtina, teksa Llapi e pret Lirinë.
16:35
Gashjani ngushton epërsinë për Llapin
Zëvendësuesi dhe talenti premtues, Elvir Gashijani, ka ngushtuar epërsinë e Llapit në duelin kundër Ballkanit.
Gashjani në minutën e 72-të të ndeshjes shfrytëzoi gabimin e rëndë të portierit Enea Koliçi dhe realizoi për rezultatin 2:1.
16:10
Ballkani dyfishon epërsinë ndaj Llapit
Ballkani ka dyfishuar epërsinë ndaj Llapit me të nisë pjesa e dytë. Almir Kryeziu realizoi për 2:0 në minutën e 47-të.
15:51
Ballkani në epërsi pas pjesës së parë
Ballkani ka shkuar në pushim me epërsinë e një goli kundër Llapit.
Nazmi Gripshi shënoi supergol në minutën e 36-të.
15:43
Supergol i Gripshit për epërsinë e Ballkanit
Ballkani ka kaluar në epërsi ndaj Llapit me supergolin e Nazmi Gripshit.
Gripshi shënoi minutën e 36-të.
Ai kaloi një kundërshtar dhe plasoi topin në këndin ku portieri Ilir Avdyli e pati të pamundur ta presë.
Ndeshja po luhet në stadiumin e qytetit në Suharekë dhe i takon xhiros së tetë të Superligës së Kosovës në futboll.
Në ndeshjen tjetër Liria – Malisheva, nuk ka gol pas 37 minutave lojë.
