Sulmit të Interit në ndeshjen kundër Barcelonës, pritet t’i prijë sulmuesi belg Romelu Lukaku.
“Tuttosport” ka raportuar se Lukaku ka stërvitur të martën me ekipin, pasi është rikuperuar nga lëndimi që e mbajti për disa javë jashtë fushës. Interi të mërkurën mbrëma luan në “Camp Nou” kundër Barcelonës, ndeshje kjo që nis në orën 21:00 dhe i takon Grupit C.
Pas tri xhirove të luajtura, Interi është i dyti në grup me gjashtë pikë, tri më shumë se Barcelona që renditet e treta.
