Mesfushori i Italisë, Manuel Locatelli, ka bërë të ditur se nuk është duke menduar për afatin kalimtar, ndonëse la të hapur opsionin e largimit nga Sassuolo.
Mesfushori italian tha se ka qenë i përqendruar në maksimum që të ndihmojë “Azurët” për të fituar Kampionatin Evropian.
“Deri më tani kam qenë shumë i përqendruar të jap më të mirën në kampionatin evropian. E di që ka pasur interesim nga skuadra të njohura, por do të shohim se çfarë do të ndodhë”, u shpreh Locatelli.
23-vjeçari ka luajtur në pesë ndeshje me Italinë duke shënuar dy gola në “Euro 2020”.
