Toni Domgjoni e ka shënuar golin e parë në elitën e futbollit zviceran këtë edicion. Futbollisti shqiptar që përfaqëson të rinjtë e Zvicrës, shënoi në humbjen 2:1 të Zuerichut në udhëtim te skuadra e Servettes.
Ky ballafaqim i takoi ndeshjes së mbetur të xhiros së gjashtë në Superligën e Zvicrës. Mesfushori 22-vjeçar Domgjoni shënoi në minutën e 74-tërt të duelit pas asistimit të Blaz Kramerit. Për Zuerichun për 90 minuta luajtën edhe futbollistët e Kosovës, Fidan Aliti për 90 minuta, Benjamin Kololli u zëvendësua në minutën e 84-tërt, ndërsa Hekuran Kryeziu u inkuadrua në lojë në minutën e 84-tërt, në vend të Domgjonit. Për ekipin e Servettes, Kastriot Imeri u inkuadrua në lojë në minutën e 64-tërt. Zuerichu në tetë ndeshje ka 11 pikë, shtatë më pak se Young Boysi lider, kurse Servette nga tetë ndeshje ka po aq pikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo