Për shumë futbolliste, një humbje e formës, një kërkesë e çuditshme nga trajnerja e re apo edhe dështimi i një transferimi janë në mesin e pengesave më të mëdha në karrierë me të cilat përballen.
Por në nëntor të vitit 2017, beteja e Ann-Katrin Bergerit u zhvendos nga stadiumi në sallat e spitalit dhe në tavolinën e operimit, përcjell Koha Ditore shkrimin e Deutsche Welle.
Vetëm gjashtë muaj pasi luajti në finale të FA Cup në "Wembley" në prani të 35 mijë shikuesve për Birmingham Cityn, portierja gjermane ndjeu një kokërr në qafën e saj, që më vonë u diagnostikua se ishte kancer i tiroideve.
"Ishte një shok", thotë ajo nga kompleksi stërvitor i skuadrës së saj të re Chelsea. "Si futbolliste nuk mendon për këtë. Duhet të bësh një jetesë të shëndetshme, bën sport çdo ditë, kështu që ishte shok, nuk është e zakonshme në familjen time. Por unë jam person që preferon të bëjë gjërat sa më shpejt që të jetë e mundur. Kështu që pas diagnozës nisa të mendoja: 'Çfarë duhej të bëja tash?'".
Përgjigjja fillimisht ishte një program trajtimi që përfshiu një operim serioz në dhjetor....(Artikulli i plotë sot në Koha Ditore)
