Uji në pishinën e Gërmisë i pastër dhe i filtruar 3 herë në ditë

Me të ardhur vera, pishina në Parkun e Gërmisë i hap dyert për vizitorë.

Si pishina me sipërfaqen më të madhe e po ashtu edhe me sasinë e ujit kërkon mirëmbajtje e përkushtim.

Uji në të cilin mijëra vizitorë e gjejnë freskinë gjatë ditëve të nxehta po mbahet pastër nga stafi i pishinës.

Çdo mëngjes ende pa u hapur dyert për vizitorë, punëtorët e fillojnë pastrimin dhe filtrimin e ujit. Edhe me anë të makinave e pompave, e edhe në mënyrë mekanike.

Brenda pishinës ka kanale nga të cila buron uji me klorin në formë të lëngshëm.

Pishinën e Gërmisë e frekuentojnë pushues nga e tërë Kosova.

Lis Çaushi thotë se së paku 5 herë brenda një vere vjen nga Gjakova për ta kaluar një ditë pushimi këtu.

Kjo pishinë i duket më e përshtatshme dhe që ofron kushtet më të mira sa i përket pastërtisë.

Pishina i hap dyert për vizitorët në orën 10 në mëngjes, e pagesa për të rriturit është 2 euro, kurse për fëmijë 1.