Në Kosovë ka terrene malore të shumta që mund të shfrytëzohen për pushime. Një nga atraksionet kryesore malore janë malet e Rugovës me peizazhet e mrekullueshme që kanë.
Ciceroni Fatos Katallozi tregon se si qytetarë nga vende të ndryshme të Kosovës i shfrytëzojnë bjeshkët e Rugovës, Bogën e fshatrat përreth, për pushime në vikend e ndonjëherë edhe gjatë ditëve të javës.
Para përhapjes së COVID-19, Katallozi tregon se ka pasur grupe të shumta nga vende jashtë Kosovës që kanë ardhur për t’i vizituar bjeshkët. E tash që është gati e pamundur, vizitat janë shtyrë për vitin e ardhshëm.
Katallozi tregon se cilat vende i vizitojnë më shumë dhe se çka kanë ato vende për të ofruar.
Vizitat në Bogë kanë qenë të shumta deri në fillim të muajit mars. Tash këtë terren e shfrytëzojnë kryesisht vendasit gjatë fundjavës.
Vizitat në Bogë janë më të shpeshta gjatë dimrit, ku vizitorët kanë mundësi edhe të skijojnë. Por në këto anë, secila stinë ka bukuritë e saj të veçanta. Këtë mund ta vërejnë posaçërisht ata që e duan ecjen.
Edhe
300 mijë turistë brenda pesë muajve në Kosovë, shumë prej tyre të keqinformuar nga vendet fqinje
Këtë vit kishte vizitorë qe kishin ardhur për herë të parë në bjeshkët e Rugovës, meqë nuk kishin arritur të shkojnë në bregdet.
E të tjerë janë vizitorë të rregullt, sepse thjesht kënaqen me pushimin në bjeshkë.
