Bletaria, punë me të hyra deri në 20 mijë euro në vit

Skender Shalaj, nga fshati Gucat i Malishevës, është në zë për punën që bën si bletar.

të tjerët po e braktisin Kosovën duke marrë rrugën e kurbetit për një jetë më të mirë, Shalaj e ka bërë të kundërtën.

Ishte viti 2008, kur ai u kthye nga Italia për të jetuar në Kosovë, e tek në vitin 2010 nisi që të merrej me bletari.

Aktualisht ka mbi 400 koshere me bletë dhe e tërë familja janë angazhuar në këtë biznes.

Dimërimi i bletëve dhe transporti i tyre nga një vend në tjetrin për kullosje kanë rëndësi të veçantë për bletarin.

Edhe SOT 22 tet 2024 Ndryshimet klimatike, sivjet më pak mjaltë në Kosovë

Thotë se për të arritur sukses në sasi e cilësi sa më të mirë, duhet bashkëpunim edhe me bujqit, në veçanti me pemëtarët.

Nga kosheret e tij me bletë ai përveç mjaltit nxjerr edhe produkte të tjera, sikurse janë qumështi i bletëve, dylli e të tjera.

Derisa kristalizimi shpeshherë është vlerësuar negativisht, bletari thotë se kjo gjë është e natyrshme dhe nuk e bën mjaltin jocilësor.

Bletari shumicën e mjaltit e shet në shtëpi edhe me gjithë kërkesat e mëdha që ka në tregun vendor e ndërkombëtar.

I ka tri lloje të mjaltit: atë të bagremit, livadheve dhe malit. Gjatë vitit nxjerr rreth 150 mijë kilogramë me mjaltë. Një kilogram e shet 20 euro.

Edhe SOT 19 gus 2024 I nxehti ul prodhimin e mjaltit, bletarët e Kosovës tregojnë për humbjet e sivjetshme

Ai brenda vitit fiton rreth 20 mijë euro nga ky biznes.

Shalaj ka marrë mbi 8 mijë euro subvencion nga Ministria e Bujqësisë për të gjitha kosheret me bletët që ka.