Artisti 14-vjeçar që krijon art në miniaturë

Arti në miniaturë, Blend Zogajn e ka bërë që të nisë karrierën e tij prej artisti.

Djaloshi 14-vjeçar në 4 vjetët e fundit ka realizuar mbi 60 vepra arti.

Punimi më i veçantë i tij është flamuri kombëtar, të cilin e ka punuar me mbi 2 mijë lule.

“Punimi im i parë ka qenë një shtëpi e ndërtuar nga kartoni, në atë kohë për një punim më është dashur shumë kohë në krahasim nga tash. Unë deri tani i kam mbi 60 punime, disa prej tyre i kam shitur”, thotë Zogaj. “Ky punim është shumë i veçantë për mua, pasi që ka simbole kombëtare. Vitin e kaluar i kam punuar vetëm shkronjat e 28 Nëntorit, ndërsa këtë vit e kam punuar flamurin kombëtar. Ky punim ka të veçantë se e kam punuar me 2820 lule të vendosura një nga një dhe i gjithë punimi më ka marrë kohë rreth 1 muaj”.

Blendi punimet e tij i shet përmes rrjeteve sociale. Disa prej tyre i ka dhuruar për bamirësi.

“E kam parë që punimet e mia janë duke u pëlqyer, po ashtu, edhe kanë filluar që të shiten. Unë punoj edhe me porosi se çfarë dëshiron klienti. Çmimet janë të ndryshme, për shembull Kulla e Ajfelit kushton 150 euro, po besoj që është çmim i volitshëm pasi që mbi 80 euro më kushton vetëm materiali. Mbi 15 punime i kam dhuruar për bamirësi, sepse unë kam dëshirë që diçka timen ta dhuroj vetëm që t’i bëj mirë dikujt”, thotë Zogaj.

Edhe SOT 18 dhj 2024 Me 1620 rrëmojëse, 16 vjeçi Blendi Zogaj punon kullën Ejffel

Djaloshi thotë se ka qenë pre e bullizmit, por asnjëherë nuk e ka ndaluar ëndrrën e tij që të bëhet një artist.

"Nuk besoj që ka diçka që më ndal nga ky lloj i artit. Në fillim më kanë bullizuar shoqëria dhe të tjerët, por unë nuk jam ndalur dhe nuk do të ndalem së bëri artin e miniaturës”.

Blend Zogaj synon që e ardhmja e tij të lidhet vetëm me artin.