65-vjeçari synon majat më të larta të botës

Nuk ka bjeshkë në Alpet Shqiptare që nuk e ka ngjitur. 

Për të natyra është bërë ushqim i shpirtit. Çdo mëngjes 65-vjeçari nga Gjakova e nis në parkun e bukur të Shkugzës.

Ecjet e përditshme maleve Agim Idrizin e mësuan edhe të ushqehet me bimët e natyrës. 

“Kom nis me u marrë me bjeshkatari qe 6 apo 7 vjet i rregullt, por ecjet në natyrë i kam pas qysh fëmijë. I kam pas edhe disa lëndime, por këto i ka natyra. Mrekullitë që i ka Kosova jonë, janë të rralla. Ende ka të pa eksploruara, e mos të flas edhe për pjesët e Shqipërisë”, tha Idrizi. 

Agimi kujton ngjitjet më të bukur dhe më emocionale. Këtë ndjesi ia japin vendet ku janë të varrosur dëshmorët e vendit. 

Edhe Botë 31 maj 2026 Shtohet interesimi për ngjitjen e malit më të lartë në botë

“Ecja më e gjatë që e kam bërë ka qenë në bjeshkët e Tropojës, të cilën e kam nis nga varrezat e Koshares e pastaj kemi kaluar në vendet e Tropojës, ndër bukuritë më të rralla që mund t’i shohësh. Edhe kthimin e kam bërë në të njëjtin shteg me një gjatësi prej 46 km”, tha ai. 

Në ecjet me shumë metra lartësi, Agimi kishte edhe terrene sfiduese.  Të tilla i ka në stinën që ai e do më shumë, dimrin. 

“Bashkë me shoqëri e kam ngjit edhe majën e Shkëlzenit, që i bie në tre kufirin Kosovë – Maqedoni – Shqipëri. I ka afër 30 km rrugë. Këtë ngjitje e kam bë dimrit, pra këtë dimër, në sezonin tim të preferuar. Ka pas trashësi të madhe bore, por nuk jemi ndal edhe pse për mua ka qenë terreni më i rrezikshëm e sfidues që e kam kaluar ndonjëherë”, tha Idrizi. 

Dëshira e tij është që t’i ngjisë edhe tri maja të larta në botë, por për të shprehet se kushtojnë shumë. 

“Natyrës nuk mundesh me i thënë kurrë jo. E kam me shumë dëshirë t’i ngjes edhe majën e Titos, majën Mont Blanc dhe Everestin, po të tria kushtojnë shumë, prandaj po pres me kohë”, tha ai. 

Edhe SOT 16 tet 2025 Ecja në natyrë dhe të mirat në shëndet

Gjëja më e mirë që ia ka dhuruar natyra është shëndeti i plotë, thotë 65-vjeçari nga Gjakova. 

“Nëse flas për përfitimet shëndetësore i kam të shumta. Në këtë moshë natyra më ka bë që të mos kem asnjë problem shëndetësor. Nuk kam as tension, as probleme me yndyrën e asgjë. Më ndodhin lëndime që janë normale, por jo të vuaj nga ndonjë sëmundje”, tha Idrizi.  “Tash informacion ka sa të duash për natyrën edhe ecjen e të mirat e saj. Një këshillë për të gjithë prindërit që t’i largojnë fëmijët nga telefonat dhe pos mësimeve të rregullta që i kanë, le ta bëjnë rutinë me ia kushtu pak kohë edhe natyrës, sepse vjen një kohë kur nis mosha e pleqërisë e duhet me shku te mjeku, prandaj më mirë në natyrë që e kemi pa pare, sesa të mjeku me të gjitha ato shpenzime”.