Aktori i famshëm perëndimor vdiq nga shkaqe natyrale të shtunën, në shtëpinë e tij në Hollywood Hills.
Erte deGarces, nipi i Jones, e ka konfirmuar lajmin dhe ka treguar se ylli i filmit ishte i rrethuar nga familja kur u nda nga jeta.
Jones bëri debutimin e tij në film në vitin 1955, kur luajti në “Battle Cry”, filmi i drejtuar nga Raoul Walsh bazuar në romanin e vitit 1953 nga ish-marinsi Leon Uris.
Më pas ai u shfaq në filma të ndryshëm perëndimor, duke përfshirë “The Wild Bunch”, “Ride the High Country”, “Major Dundee” dhe “Billy the Kid”.
Jones e përshkruante më parë talentin e tij të aktrimit si një “dhuratë nga Zoti”.
“Aktorët kanë lindur; nuk janë bërë. Ne mund t’jua mësojmë teknikën, por nuk mund t’ju mësojmë të aktroni. Unë kam qenë kështu që kur kam lindur. Do të doja të kisha pak stërvitje , por nuk e kam bërë, thjesht e bëj, e bëj atë që më duket e drejtë”, ka thënë ai.
Jones luajti gjithashtu në një sërë filmash të tjerë të profilit të lartë, si “Casino”, “The Patriot” dhe “The Mask of Zorro”. Aktori veteran bëri paraqitjen e tij të fundit në film në vitin 2006, kur luajti së bashku me Meryl Streep, Woody Harrelson dhe Lindsay Lohan në komedinë “A Prairie Home Companion”.
Për më tepër, Jones drejtoi, prodhoi dhe shkroi filmin fantastiko-shkencor të vitit 1975 “A Boy and His Dog”.
Filmi tregon historinë e një adoleshenti dhe qenit të tij telepatik që po luftojnë për mbijetesën e tyre në vitin 2024.
Diku tjetër Jones u shfaq në një numër shfaqjesh televizive gjatë karrierës së tij, duke përfshirë “Charlie's Angels”, “Hawaii-Five-0” dhe “The Incredible Hul”.
Ylli perëndimor ka lënë pas tre fëmijët e tij - djemtë Randy dhe Steve, dhe vajzën, Mindy.