Pas lajmit për ndarjen e çiftit të njohur të showbizit, Kim Kardashian dhe Pete Davidson, ish-burri i yllit televiziv, Kanye West, ka reaguar në Instagram.
Ai e festoi këtë lajm duke e postuar ballinën e improvizuar të një gazete, ku shkruhej: “Skete Davidson vdiq në moshën 28-vjeçare”. Në këtë postim Kanye nuk harroi ta përmend edhe reperin tjetër me të cilin gëzon raporte të këqija, Kid Cudi.
“Kid Cudi planifikohej të performonte në funeral, por u tërhoq nga frika se njerëzit do ta gjuanin me shishe”, shkruhej në rreshtin tjetër të postimit të fundit të Westit.
Kid dhe Kanye në të kaluarën ishin miq dhe bashkëpunëtorë të afërt. Por, raporti i tyre u prish në fillim të këtij viti, për shkak të shoqërisë së Cudit me komedianin e famshëm.
Prej momentit kur u bë i ditur lajmi se Davidson dhe Kardashian ishin në lidhje romantike, Ye e ka kritikuar publikisht dhe ashpër çiftin. Ai e lansoi videoklipin e këngës, “Eazy”, ku shihet duke e varrosur të gjallë komedianin 28-vjeçar. Reperi ka vazhduar ta fyej vazhdimisht Davidsonin online, si dhe përhapi thashetheme se ai vuan nga SIDA.
Edhe pse fillimisht aktori zgjodhi të qëndrojë indiferent ndaj këtyre ofendimeve, ai përfundoi duke iu kundërpërgjigjur Westit në disa raste. Zënka e tyre online, rrëmbeu vëmendje të madhe mediale anembanë botës.
Javën e kaluar u bë publik lajmi se, Kim dhe Pete, janë ndarë pas nëntë muajsh lidhje, por thuhet se ata vazhdojnë të jenë shokë të mirë.
