Nga një shuplakë tronditëse e Oscars deri tek një ABBA virtuale që del në skenë, ky vit ka parë një sërë historish argëtuese që dominojnë titujt kryesorë.
Më poshtë janë disa nga ngjarjet më kryesore:
Shuplaka
Will Smith e goditi në fytyrë prezantuesin e Oscars, Chris Rock, pasi bëri shaka me modelin e flokëve të gruas së tij, në një moment tronditës që la në hije ceremoninë kryesore të çmimeve të Hollivudit. Smith prapëseprapë e ka fituar çmimin për aktorin më të mirë.
“Përshëndetje”, pastaj lamtumirë
Edhe
Will Smith rrëfen periudhën e vështirë pas shuplakës në “Oscar”
Një Adele e përlotur shtyu programin e saj në Las Vegas një ditë përpara se të fillonin koncertet, duke thënë se gjysma e ekipit të saj kishte COVID-19 dhe pandemia kishte shkaktuar vonesa. Ajo nisi shfaqjet 10 muaj më vonë.
Ajo foli, ai dëgjoi
Johnny Depp dhe Amber Heard u përballën në një gjykatë në Virginia pasi aktori paditi ish-gruan e tij, duke argumentuar se ajo shpifte kur në një artikull të gazetës e quajti veten “figurë publike që përfaqëson abuzimin në familje”.
Heard kundërshtoi, duke thënë se Depp e përleu emrin e saj kur avokati i tij i quajti akuzat “mashtrim”. Depp fitoi më shumë se 10 milionë dollarë dëmshpërblim. Juria vendosi për Heard vetëm në një kundërpadi.
Marshi i #MeToo
Rastet #MeToo vazhduan, me producentin e turpëruar të Hollivudit, Harvey Weinstein, që aktualisht po vuan një dënim me 23 vjet burg për krime seksuale në New York, duke u gjykuar në Los Anxhelos për 11 akuza për përdhunim dhe sulm seksual. Që atëherë, katër janë shkarkuar. Ai është deklaruar i pafajshëm.
Aktori Kevin Spacey mposhti një çështje abuzimi seksual kundër tij në një gjyq civil në Manhattan. Ai u paraqit në gjykatë në Britani për t'u deklaruar i pafajshëm për akuzat për shkelje seksuale që datojnë pothuajse 20 vjet më parë.
Fyerjet e Yes
Reperi Kanye West, i cili tashmë njihet vetëm si Ye, nxiti polemika me shpërthime në mediat sociale, duke përfshirë komente antisemitike, duke çuar në fundin e disa lidhjeve të korporatave - veprim që e rrëzoi atë nga lista e miliarderëve të botës në Forbes.
Arrihet marrëveshja për rastin e filmit “Rust”
Edhe
Paraqitja e parë publike e çiftit, Will dhe Jada Pinkett Smith
Alec Baldwin dhe producentët e filmit perëndimor “Rust” arritën një marrëveshje në një padi për vdekje të padrejtë të ngritur nga familja e kineastes Halyna Hutchins, të cilën aktori e vrau gjatë xhirimeve vitin e kaluar. Një prokuror i shtetit të New Mexicos po vendos nëse do të ngrejë akuza penale.
Ngjitja majës
Beyonce, Rihanna dhe Britney Spears u rikthyen me muzikë të re. Kate Bush kryesoi listat me “Running Up That Hill”, ndërsa kënga e vitit 1985 gëzoi një ringjallje falë shfaqjes së Netflix “Stranger Things”. Supergrupi suedez ABBA u rikthye në skenë, megjithëse si avatarë digjitalë, ose “ABBAtars”.
Tom përsëri në krye
Tom Cruise dha premierë vazhdimin e tij të shumëpritur “Top Gun: Maverick”, duke u rikthyer si piloti kokëfortë që luajti për herë të parë në filmin aksion të 1986-s. “Maverick” mbetet filmi më i mirë i vitit 2022, duke fituar 1.48 miliard dollarë në mbarë botën.
Luftërat mbretërore
Vetëm pak muaj pas vdekjes së mbretëreshës Elizabeth, Harry dhe Meghan publikuan një dokumentar të qartë në Netflix për përvojën e tyre si pjesë e familjes mbretërore dhe largimin nga të qenit anëtarë të familjes mbretërore.
Lamtumirat
Bota u tha lamtumirë: aktorëve Sidney Poitier, Ray Liotta, Angela Lansbury, Olivia Newton-John dhe Robbie Coltrane si dhe yjeve të muzikës Jerry Lee Lewis, Meat Loaf, Coolio, Taylor Hawkins dhe Loretta Lynn ndër të tjera.
Edhe
Will Smith kërkon falje për “shuplakën” në Oscar
Përktheu: Blerta Haxhiu
