-
Përktheu:
Vita Abrashi-Kajtazi
- 26 gusht 2026 20:11
- Shpërndaje në:
Aktori Tim Curry ka vdekur në moshën 80-vjeçare. Lajmi është konfirmuar sot nga menaxheri i tij dhe është raportuar nga Reuters, CBS dhe Variety. Ai vdiq në shtëpinë e tij në Los Angeles pas një periudhe të gjatë me probleme shëndetësore.
Curry ishte një nga aktorët më karakteristikë britanikë të gjeneratës së tij.
Roli që e bëri legjendë ishte Dr. Frank-N-Furter në filmin "The Rocky Horror Picture Show" (të vitit 1975), një film që fillimisht nuk u prit mirë, por më vonë u shndërrua në një fenomen kult.
Ai mbahet mend edhe për rolet si Pennywise në miniserialin "It "(1990), Wadsworth në projektin filmik "Clue" (1985), Rooster në "Annie", Mr. Hector në "Home Alone 2", si dhe role në "Muppet Treasure Island".
Ai ka pasur edhe role të shumta në teatrot amerikane e britanike.
Edhe
Zbulohet shkaku i vdekjes së aktorit Sam Neill
Në vitin 2012, Curry pësoi një sulm të rëndë në tru, pas së cilës pati probleme të konsiderueshme me lëvizjen, por vazhdoi të punonte, veçanërisht në role me zë dhe paraqitje të herëpashershme.
Një nga gjërat më të bukura që ai tha, për Frank-N-Furter, sipas CBS News ishte se personazhi u dha shumë të rinjve “leje për të qenë ndryshe”.
