Reperi Viktor Palokaj, i njohur me nofkën Unikkatil, ka njoftuar të shtunën përmes një postimi në Instagram se më 7 maj do të jetë mysafir në një diskotekë në Lozanë të Zvicrës.
Por jo vetëm kaq. Unikkatil ka shkruar edhe një fjali e cila ka ngjallur shumë kureshtje për fansat e tij, që janë jo të paktë në numër.
“Nesër ka me iu kallxu edhe diçka tjetër”, ka shkruar Unikkatil ndër të tjera në këtë postim. Fansat e tij besojnë se është paralajmërim për një këngë ose album të ri.
Kënga e fundit e Unikkatilit ka qenë para dy vitesh, në bashkëpunim me Mozzikun. Në vitet e fundit, Unikkatil nuk ka pasur shumë projekte, pavarësisht paralajmërimeve se do ta lansojë një album të ri.
