Burgu i Fierit e ka zhvendosur kryebashkiakun e Tiranës, Erion Veliaj, nga sektori A i paraburgimit në sektorin spitalor që gjendet në të njëjtin burg.
Zhvendosja e Veliajt është kryer pas gjetjeve të Komitetit Shqiptar të Helsinkit, si dhe pas ankesave të kryebashkiakut që pretendon se nuk u vlerësua gjendja e tij shëndetësore, shkruan A2.
Pak kohë më parë, gjatë periudhës kur Veliaj mbahej në paraburgimin e Durrësit, ai kishte pësuar dëmtime në këmbë.
Zhvendosjen e tij nga paraburgimi i Durrësit në atë të Fierit, Veliaj e pati konsideruar transferim politik.