Aktorja, Angelina Jolie, ka pohuar se tre fëmijët që ka me ish-bashkëshortin Brad Pitt, po shpresonin të dëshmonin kundër tij në rastin gjyqësor për kujdestarinë e fëmijëve.
Jolie, 46-vjeçare, dhe Pitt, 57-vjeçar, të cilët finalizuan shkurorëzimin në vitin 2019, janë prindër të gjashtë fëmijëve, pesë prej tyre të mitur: Maddox, 19-vjeçar, Zahara, 16, Shiloh, 14, dhe binjakët Vivienne dhe Knox. Dokumentet e gjykatës nuk kanë treguar se kush prej fëmijëve kishte shprehur gatishmëri të dëshmonte kundër babait.
Në dokumentet e dhjetorit 2020, ekipi ligjor i Joliet kishte thënë se tre fëmijë kanë kërkuar të dëshmojnë në procedurat e kujdestarisë.
“Fëmijët që janë pjesë e procesit, janë mjaftueshëm të rritur për të kuptuar çështjen”, ka thënë një avokat i aktores amerikane.
Ekipi i saj ka bërë kërkesë në gjykatë për të tentuar diskualifikimin e gjykatësit John Ouderkirk që të largohej nga rasti.
Edhe
Angelina Jolie e acaruar me gjykatësin për moslejimin e dëshmive të fëmijëve të saj
Teksa Jolie dhe Pitt ishin pajtuar me gjykatësin Ouderkirk që detajet të ishin të mbyllura, aktorja ka thënë në muajin gusht se gjyqtari nuk është i besueshëm për shkak të lidhjeve profesionale që ka me një prej avokatëve të Pittit.
Gjykatësi Ouderkirk është mbajtur në rastin e dyshes në muajin tetor dhe në seancën e dhjetorit. Ekipi i aktores ka thënë se prania e gjykatësit e ka vështirësuar situatën në të cilën fëmijët kishin kërkuar të dëshmonin.
Ekipi i saj ka insistuar se gjykatësi ia ka mohuar aktores gjykimin e drejtë, duke përjashtuar provat për shëndetin dhe sigurinë e fëmijëve, që sipas tyre, kanë mundur të jenë vendimtare në rastin e saj.
Një burim ka thënë për revistën “Us Weekly”, se djali Maddox dha një deklaratë jo edhe aq të mirë për Bradin dhe se nuk e përdor mbiemrin Pitt nëpër dokumentet ligjore. Maddox dëshiron që ligjërisht të mbajë mbiemrin e nënës, por për këtë nuk është pajtuar aktorja.
Edhe
Pse fëmijët e Brad Pittit po heqin mbiemrin e tij? Përçarja familjare ka arritur pikën pa kthim
Jolie në vitin 2016 bëri kërkesë për shkurorëzim nga Pitti, duke përmendur shëndetin e familjes. Para kërkesës besohet se patën një konflikt në aeroplanin privat nga Franca për në Los Angeles.
Gjatë atij viti, aktorja e kishte akuzuar Pittin se kishte sjellje abuzive ndaj të birit Maddox.
