Për herë të parë në histori, ngjarja më e rëndësishme e modës “Met Gala”, e cilësuar si “Oscars” për industrinë e modës do të mbahet më 13 shtator. Çdoherë kjo ngjarje është organizuar në të hënën e parë të muajit maj, për pos në vitin 2020 ku çdo ngjarje e kësaj natyre u anulua shkaku i COVID-19.
Këtë vit fokusi në gala mbrëmjen e përvitshme do të jetë moda amerikane, më saktësisht “Pavarësia e Amerikës”.
“Met Gala” do të prezantohet në dy pjesë, “In America: A Lexicon of Fashion” dhe “In America: An Anthology of Fashion.”
Ngjarja e parë e organizuar me temën “In America: A Lexicon of Fashion”, do të hapet sonte, kurse pjesa e dytë e këtij eventi e cila vjen me temën, “In America: An Anthology of Fashion”, do të hapet më 5 maj të vitit 2022.
Nikoqirë të ngjarjes këtë vit do të jenë emra të njohur nga bota e filmit, modës, muzikës, sportit e më gjerë, të tillë si Timothée Chalamet, Billie Eilish, Amanda Gorman dhe Naomi Osaka.
Pavarësisht ndryshimeve që janë bërë këtë vit, ngjarja më e madh e modës në botë do të karakterizohet me parakalimin mbi tapet të kuq, ku pritet të shfaqen disenjatorë të famshëm bashkë me yjet më të njohura të Hollywoodit.
Së fundmi, revista “Vogue” i ka zgjedhur disa nga veshjet më të mira që janë prezantuar ndër vite në “Met Gala”.
{gallery}
